Parnassos (gresk Παρνασσός) er eit fjell av bar kalkstein sentralt i Hellas ovanfor Delfi, nord for Korintbukta. Frå her har ein flott utsyn over dei omliggande olivenlundane og landsbygda. I følgje gresk mytologi er fjellet heilaga til Apollo, dei korykianske nymfene og heimstad til musene. Fjellet var óg viktig for dorianarane. Namnet Paranssos ser ut til å ha sitt opphav i eit førgresk substrat som nyttar *-ssos i stadnamn (t.d. Knossos). *Parna- kan kome frå den same rota til ordet i hettittisk, som tyder «hus».
Paranssos er kalla opp etter son til nymfen Kleodora og mannen Kleopompous. Det fanns ein by der Paranssos var leiar, som vart overfløymt av kraftig regn. Innbyggjarane rømde frå flaumen mot ulande ulvar oppe i fjellet. Her bygde dei overlevande ein annan by og kalla han Lykoreia, som på gresk tyder «ulinga til ulvane».
si teikning av Apollo og musene på Parnassos.]]
Sidan orakelet i Delfi var heilag til guden Apollo, så vart óg sjølve fjellet assosiert med han. I følgje enkelte segner var Parnassos staden der fontena Kastalia låg og heimstad for musene. I følgje andre segner var det Helikon som var musene sin heimstad. Heimstaden til musene vart rekna som opphavet til poesi, musikk og lærdom.
Parnassos var óg åstad for fleire mindre hendingar i gresk mytologi.
Parnassos var óg heimstad til Pegasus, hippogriffen til Bellerofon.
Namnet Parnassos refererer i litteratur ofte til opphavet til poesi, litteratur og lærdom, og vert nemnd i fleire verk.
I dag ligg det to skisenter på Parnassos, eit av desse, «Parnassos skisenter», er det største skisenteret i Hellas. Det vert drive gruvedrift etter brunkol i fjellet som vert omdanna til aluminiumoksid og så til aluminium.