Mensjikovpalasset (russisk: Меншиковский дворец) er eit barokk byggverk i St. Petersburg, som ligg på Universitetskaja-kaiane ved Bolsjaja Neva på Vasiljevskijøya. Palasset var den første steinbygninga i byen. Sidan 1981 har det vore eit offentleg museum, som ein del av Eremitasjen.
Palasset vart bygt frå 1710 som residens for guvernøren i St. Petersburg, generalen Aleksandr Mensjikov. Bygget vart teikna av den italienske arkitekten Giovanni Maria Fontana, seinare av den tyske arkitekten Gottfried Schädel. Palasset vart opna i 1713, men bygginga heldt fram til 1727, då Mensjikov og familien hans vart forvist til Sibir og eigedomen konfiskert.
I 1731 vart ein kadettskule etablert, og som tok i bruk palasset og eit nabobygg. På slutten av det 19. hundreåret vart Mensjikovpalasset restaurert og museum for kadettkorpset. I 1924 vart museumsssamlingane flytta til Eremitasjen og andre museum. Perioden 1956-1981 vart palasset restaurert enno ein gong, og opna for publikum som ein del av Eremitasjen med ei samling av russisk kunst frå seint 17. og tidleg 18. hundreår.
