Manaslu (også kjend som Kutang) er det åttande høgaste fjellet i verda. Fjellet ligg i Mansiri Himal, også kjend som Ghorka-massivet, som er den nepalske delen av Himalaya. Namnet «Manaslu» kjem frå sanskrit som tyder «Åndens fjell».
Manaslu er den høgaste toppen i Ghorka-massivet og ligg om lag 60 kilometer aust for Annapurna. Toppen blei først klatra i 1956 av Toshio Imanishi og Gyalzen Norbu, som var ein del av ein japansk ekspedisjon.