Kievreservoaret (ukrainsk Київське водосховище, Kyyivs’ke vodoskhovysjtsje), lokalt Kievsjøen, er eit stort reservoar i Dnepr i Ukraina. Det er kalla opp etter byen Kiev, som ligg i sør, og dekkjer totalt 922 kvadratkilometer i Kiev oblast. Reservoaret vart skapt i 1960-1966, då demninga til Kiev vasskraftverk vart bygd ved Vysjhorod.
Reservoaret er 110 km langt, 12 km breitt og har ei djupne på 4 til 8 meter. Vassvolumet er 3,7 km³ og av dette kan 1,2 km³ nyttast. Reservoaret er i lag med Kakhovkareservoaret, Dneprreservoaret, Dniprodzerzjynskreservoaret, Krementsjukreservoaret og Kanivreservoaret ein vassveg på elva.
