K2, også kjend som Chogori, Dapsang, Kechu, Lambha Pahar, Qogir Feng og Mount Godwin-Austen, er det nest høgaste fjellet i verda etter, Mount Everest. Toppen ligg på 8 611 moh. Fjellet ligg i Kashmir, i fjellkjeden Karakoram i Gilgit-Baltistan nordaust i Pakistan.
Fjellet vart først kartlagd av ei gruppe europeiske forskarar leia av Henry Haversham Godwin-Austen i 1856. Første bestiginga stod eit italiensk klatrelag for i 1954. Det er vanleg å rekne K2 for eit vansklegare fjell å klatre enn til dømes Mount Everest, både på grunn av at det er brattare på alle sider og av di det ligg lenger mot nord. I juni 2000 har 189 personar vore på toppen, 49 har mist livet i forsøket.
