Incheon internasjonale lufthamn (IATA: ICN, ICAO: RKSI) er den største flyplassen i Sør-Korea, den viktigaste lufthamna som tener området kring Seoul, og er ein av dei største og travlaste lufthamnene i verda. Sidan 2005 har lufthamna vore kåra til den beste i verda av Airports Council International og fekk den beste rangeringa på 5-stjerner av Skytrax, noko berre Hong Kong internasjonale lufthamn og Singapore Changi lufthamn har klart med. Lufthamna har golfbane, spa, private soverom, skøytebane, eit casino, innandørs hagar og eit museum om koreansk kultur.
Incheon internasjonale lufthamn opna tidleg i 2001, og erstatta då den gamle Gimpo internasjonale lufthamna, som no i hovudsak tener innlandske destinasjonar i tillegg til tur/retur-flygingar til Tokyo (Haneda), Shanghai (Hongqiao), Osaka (Kansai) og avgrensa teneste til Nagoya og Tsushima.