Glastonbury Tor er ein ås i Glastonbury i Somerset i England. På toppen står det taklause St. Michael's Tower. Staden vert forvalta av National Trust og har status som Scheduled Ancient Monument (No: 196702).
Tor er eit lokalt ord av keltisk opphav som tyder «bergutspring» eller «ås». Åsen stikk i dag opp av markene kring, kalla Summerland Meadows, men desse var tidlegare myrområde, slik at åsen stakk opp som ei øy. I 1892 vart det gjort funn av Glastonbury Lake Village som var ein busetnad i jernalderen like ved åsen.