Gasherbrum I (også kalla Hidden Peak eller K5) er det ellevte høgaste fjellet i verda, 8 068 m.o.h. Gasherbrum er det høgaste fjellet i Gasherbrum-massivet, eit fjerntliggjande fjellmassiv i Karakoram-kjeden i Pakistan.
Gasherbrum I blei opphavleg kalla K5, som Karakorams femte fjell, under den første kartlegginga av Karakoram i 1856. Fjellet ligg i nærleiken av K2, som også fekk sitt namn under denne kartlegginga. I 1892 fekk Gasherbrum I tilnamnet «Hidden Peak» av William M. Conway, sidan fjellet ligg skjult bak Gasherbrum IV, sett frå Baltoro-breen.
Gasherbrum I blei først klatra den 5. juli 1958 av Pete Schoening og Andy Kauffman, som var med i ein amerikansk ekspedisjon.
Første norske bestigning av Gasherbrum I blei gjennomførd av Olav Storli Ulvund 12. juli 2007, som nådde toppen via det såkalte Japaner-couloiret frå Gasherbrum La (nedre del) og Messner/Habeler-ruta i øvre del.