Galdhøpiggen, òg kalla Piggen, er det høgste fjellet i Noreg og Nord-Europa og ligg i Jotunheimen i Lom kommune i Oppland fylke.
Sjølv om Piggen er det høgste fjellet i landet, er det langt frå det mest ruvande fjellet vi har, og då det er ikkje heilt tilfeldig at før den moderne vitskapen kom med nøyaktige høgdemålingar, vart andre topper som t.d. Snøhetta (2286 moh.) og Knutsholstinden (2341 moh.) rekna for å vere høgare. I dag står det ei solid steinhytte på toppen av Galdhøpiggen, den tredje i rekkja. Her er det om sommaren ein liten kiosk. Dei to fyrste hyttene vart tekne av uvêr.
Galdhøpiggen vart bestige fyrste gong i 1850.
Dei vanlegaste rutene til toppen er frå Spiterstulen (1104 moh.) (mykje stiging) og frå Juvasshytta (1841 moh.) (kryssar Styggebreen). Ruta frå Juvasshytta tek om lag tre timar opp (med om lag 45 minutt med førebuing for kryssing av Styggebreen, ein time på toppen og omtrent to timar ned. Å køyre til Juvasshytta tek om lag 40 minutt frå Lom sentrum (15 minutt langs riksveg 55 og så 20–25 minutt opp grusvegen (bomveg) til Juvasshytta. Dette er den høgstliggande bilvegen i Noreg).
Fjellet har ei høgd på 2469 meter over havet og ein primærfaktor på 2420 meter. Sekundærfaktoren til Galdhøpiggen er 1540 km, det vil sei at ein må reise 1540 km i luftlinje for å kome til eit fjell som er høgare. Dette fjellet er Tatrafjella i Polen.
Шаблон:- Шаблон:Panoramabilete
