| Forthbrua | |
| UNESCO si liste over verdsarv | |
| center | |
| Land: | Skottland |
| 50px | Innskriven ved UNESCOs 39. sesjon i 2015. Referansenr. 1485. |
| Kriterium: | I, IV |
| Sjå òg | Verdsarvstader i Europa |
| Bakgrunnsstoff | UNESCO: Forthbrua |
Forthbrua (engelsk Forth Bridge) er ei jernbanebru i stål som går over elva Forth i fjorden Firth of Forth i Skottland. Ho bind Edinburgh saman med halvøya Fife, og går mellom dei to landsbyane South Queensferry og North Queensferry. Brua er konstruert etter fritt frambygg-prinsippet. Ho er 2,5 km lang med to hovudspenn, kvart på 251 meter, og er 100,6 meter høg.
Forthbrua var teikna av arkitektane John Fowler og Benjamin Baker og blei bygga i perioden 1882 til 1890. Ho blei opna den 4. mars 1890 av den dåverande prinsen av Wales, Albert Edvard, med Benjamin Baker og Gustave Eiffel til stades. Brua var den første større stålkonstruksjonen i Storbritannia. Brua var også den lengste fritt frambygg-brua i verda fram til Québec-brua opna i 1917. Ho er framleis den nest lengste i verda, og den lengste fritt frambygg-brua med fleire spenn.
|
Kategori:Verdsarv i Storbritannia Kategori:Fritt frambygg-bruer Kategori:Bruer i Storbritannia Kategori:Skipingar i 1890 Kategori:Verdsarv i Skottland
