Feldberg er det høgaste fjellet i Schwarzwald, og det høgaste fjellet i Tyskland utafor Alpane med ei høgd på 1 493 meter over havet. Freiburg im Breisgau er den næraste byen.
Feldberg | |
---|---|
Høgd over havet | 1 493 moh |
Ligg i/på | Baden-Württemberg i Tyskland |
Fjellkjede | Schwarzwald |
Koordinatar | Koordinatar: |
Feldberg er det høgaste fjellet i Schwarzwald, og det høgaste fjellet i Tyskland utafor Alpane med ei høgd på 1 493 meter over havet. Freiburg im Breisgau er den næraste byen.
Feldberg vert òg nytta som namn på to mindre fjell i Hochtaunuskreis 300 km lenger nord, Kleiner Feldberg (825 m) og Großer Feldberg (880 m).
Feldberg er i tillegg namnet på eit lokalt landsbysamfunn som består av landsbyane Bärental, Feldberg, Falkau, Altglashütten og Neuglashütten.
Feldberg ligg søraust for Freiburg im Breisgau, og er omringa av landsbysamfunna Hinterzarten, Titisee, Menzenschwand, Bernau og Todtnau. Frå den høgaste toppen går det eit platå 2 km mot søraust til toppen Seebuck (1 448 m). Frå her går ein djup dal mot nordaust, der ein mellom anna finn innsjøen Feldsee. Andre djupe dalar rundt Feldberg er Zastlertal i nordvest og Wiesental i sørvest.
Den årlege middeltemperaturen er rundt 3 °C. Den normale årsnedbøren er på 2 114 mm, og det meste av dette kjem som snø. August er den einaste månaden som ikkje har hatt snøfall på toppen.
Feldberg er det største skisenteret i Tyskland utafor Alpane. Den første skiheisen vart bygd her i 1907. I dag er det om lag 28 skiheisar og over 50 km med utforløyer på fjellet. Turisme er derfor hovudnæringa til innbyggjarane ved fjellet.
Kategori:Fjell i Tyskland
no:Feldberg da:Feldberg af:Feldberg (Swartwoud) als:Feldberg im Schwarzwald ca:Feldberg de:Feldberg (Berg im Schwarzwald) en:Feldberg (Black Forest) es:Feldberg fr:Feldberg lb:Feldberg am Schwarzwald nl:Feldberg pl:Feldberg (góra) ro:Feldberg (Pădurea Neagră) ru:Фельдберг