Bourgetsjøen (fransk Lac du Bourget) er ein innsjø i Savoie i Frankrike. Han er den største og djupaste innsjøen i landet. Den viktigaste byen ved innsjøen er Aix-les-Bains. Chambéry, préfecture (hovudstad) i Savoie, ligg om lag 10 km sør for innsjøen. Innsjøen er kalla opp etter byen Le Bourget-du-Lac, som ligg ved sørenden av innsjøen. Han får vatn frå elva Leysse, og vatnet renn vidare ut i Rhône via Canal de Savières, ein kunstig kanal.