Alanya, tidlegare Alaiye, er ein ferieby og eit distrikt i provinsen Antalya i Middelhavsregionen i Tyrkia, 166 km frå byen Antalya. Byen ligg ved sørkysten av Tyrkia og har kring 100 000 innbyggjarar (2010).
På grunn av den naturlege strategiske plasseringa på ei lita halvøy i Middelhavet ved Taurusfjella, og har vore ein lokal skanse for mange rike i Middelhavet, som ptolemaiske, Selevkide, romarane, austromarane og Det osmanske riket. Alanya hadde størst politisk innverknad i mellomalderen under Rum-sultanatet som vart styrt av Alaeddin Kayqubad I, og som byen har fått namnet sitt etter.
Den varme middelhavsklimaet, naturen og dei historiske monumenta har gjort Alanya til eit populært turistmål og står for 9 % av turistsektoren i Tyrkia og tretti prosent av utanlandsk kjøp av eigedom i Tyrkia. Turismen har auka sidan 1958 og vorte den dominerande næringa i byen.
Byen har skifta nasjonalitet mange gonger oppgjennom historia og namnet har reflektert dette. Alanya var kjent på latin som Coracesium eller på gresk som Korakesion frå luvisk Korakassa som tyder «punkt/utstående byen». Under Det bysantinske riket var byen kjent som Kalonoros eller Kalon Oros, som tyder «vakkert fjell» på gresk. Seldsjukkane døypte om byen til Alaiye (علاعية), ei omskriving av namnet til sultan Alaeddin Kayqubad I. På 1200- og 1300-talet, kalla italienske handelsmenn byen for Candelore eller Cardelloro. Under vitjinga si i 1935, sluttførte Mustafa Kemal Atatürk namnet i det nye alfabetet som Alanya, endra 'i' og 'e' i Alaiye, visstnok på grunn av ei feilstaving i eit telegram i 1933.
Alanya har eit typisk middelhavsklima.
Klimadata for Alanya | |||||||||||||
---|---|---|---|---|---|---|---|---|---|---|---|---|---|
Månad | Jan | Feb | Mar | Apr | Mai | Jun | Jul | Aug | Sep | Okt | Nov | Des | År |
Normal maks. temp. °C | 16.2 | 16.3 | 18.3 | 21.1 | 24.7 | 28.7 | 31.5 | 32.0 | 30.2 | 26.5 | 21.6 | 17.7 | 23 73 |
Døgnmiddeltemp. °C | 11.8 | 11.9 | 13.8 | 16.9 | 20.9 | 25.0 | 27.7 | 27.9 | 25.4 | 21.3 | 16.5 | 13.2 | 19 36 |
Normal min. temp. °C | 8.6 | 8.4 | 10.1 | 13.0 | 16.7 | 20.4 | 23.3 | 23.6 | 21.2 | 17.4 | 13.0 | 10.0 | 8,4 |
Nedbør (mm) | 199.6 | 148.7 | 98.6 | 65.5 | 33.7 | 9.9 | 10.0 | 5.7 | 19.1 | 98.6 | 187.6 | 231.5 | |
% relativ fukt | 57 | 57 | 61 | 63 | 66 | 66 | 64 | 65 | 58 | 55 | 59 | 60 | 60,9 |
Normal mengd regndagar | 13.8 | 11.6 | 9.6 | 8.5 | 4.8 | 1.8 | 1.3 | 1.6 | 2.9 | 6.8 | 10.0 | 13.1 | 85,8 |
Normale månadlege solskinstimar | 130.2 | 131.6 | 198.4 | 231.0 | 300.7 | 330.0 | 337.9 | 322.4 | 279.0 | 223.2 | 168.0 | 136.4 | 2 788,8 |
Kjelde nr. 1: Turkish State Meteorological Service | |||||||||||||
Kjelde nr. 2: Weather2 |